سير عل الله! _جريدة صوت البحر نيوز

-بقلم: محمد دومو

-مراكش/ المغرب

(زجل مغربي)

يا من طموحات كثيرة هداتني!

فنيت شبابي وهرمت بالتخمام

ساير نحكي ليوم ونتألم بمحايني

والقلب حزين ولحبيب غضبان

عشت بالنية وكنت نزيه ف فعالي

وشقيت البارح متحمس شلا طرقان

كانت صعيبة بتيارها وجراتني

تغريت أكثر من لقياس وأنا سرحان

واليوم هاني تايه كنسايس ونقاسي

من ضرورة ما كانت ف الحسبان

كاين قوم كثير بحالي كيعاني

ما راعى ف الماضي ولا رد البال

سير عل الله يا مسكين وراري

مكتوبو يتصرف وقيل عليك التخمام

لا تعاني ولا تهز هم الدنيا بحالي

ولا تكون فيوم ضحية ال الأحزان

عيش ما قسم الله ليك وأنت غادي

واترك حال الناس من القيل والقال