خليوني! (زجل مغربي) _ جريدة صوت البحر نيوز

-بقلم: محمد دومو

-مراكش/ المغرب ( 19 شتنبر 2023 )

خليوني عل الهموم ساكت 

وبلا ما تقيدوا عليا لمقال

بلادي موحال غادي تتسݣد

آش من خير باقي ما زال

الفقير محن.. وباقي مألم

ولاخر طامع كيحوش المال

آش من طريق غادي نسلك

كلشي تدمر بالرشوة ولفساد

تقطع الخير مع ناس ليوم

كبر فينا العيب وكلشي معناد

خليوني نقاسي وحدي لهموم

معذب وعيني ما شافت النوم

هكذا حالي..ومشات لعناية

لعذاب أحسن من السعاية

أنا مجرب ماشي غير سامع

تسنى الوهم يا ذاك الطامع 

كلشي واضح وأصبح باين

كلامي ليك..ولا تبقى تعاين