طل عليا لغرام! ( زجل مغربي)_جريدة صوت البحر نيوز
-بقلم: محمد دومو
-مراكش/ المغرب ( 09 شتنبر 2023 )
طل عليا لغرام من فوق البير
بحال شي الطير من فوق لغصان
عيني شافت الشمس الضاوية
تبوريشة شداتني فالحين
دوخا ما كانت ليا فالحسبان
لغرام هذا دفنتو من زمان
وآش من غرام هذا ؟!
لي كيناديني اليوم؟!
غرقت فمياه باردة ولطيفة
البير هذا يورد الناس ولبهيمة
وكل من دلى دلوه وعطشان
أنا ما محتاج دلو نسݣي بيه
ولا طالب من شي حد لعوين
كنعاود حكاتي مع لغرام
كنقاسي أيامي الباقية عل الدوام
واش لغرام هذا ديما غذار
ولا غير معايا يا مجمع لعيان
تعليقات
إرسال تعليق