زلزال بلادي ( زجل مغربي)_جريدة صوت البحر
-بقلم: محمد دومو
-مراكش/ المغرب ( 15 شتنبر 2023 )
يا ناس بلادي نسا ورجال..
راه كلشي بحكامو غادي
علاش الرعب راكبنا ومزال
واصل حياتك وكون عادي
اعمل الخير وازرع الأمل
وتعاون وأنت فالدنيا غادي
من مات خالق الكون يرحمو
والمضرور الله يجبر جروحو
ويكون معاه ويشد بوسادو
يعافي وجاعو ويشفيه من عذابو
راه الزنزال قدر الله بلا ما التيه
والكل فسفينة وحدة رايح لهيه
لا تدهش ولا تخاف وعش هاني
كل مخلوق رايح من الدنيا وفاني
الأجل ما تقدر تتوقعو ولا تلغيه
غير نساه ولا تبقى تخمم فيه
راه الله كيتنزه فهاذ الكون
يعلم الله غدا آش يطرى ويكون
توكل عل الله وسير فالطريق
كلامي هذا زاد ليا وليك يليق
تعليقات
إرسال تعليق